Գյուղական Կանանց Խմբերի տնտեսական հզորացում կարողությունների զարգացման միջոցով
Իրականացնող` Կանաչ արահետ ՀԿ, Ֆինանսավորող` ՄԱԿ-ի Կանանց հարցերով զբաղվող գրասենյակի Գենդերային հավասարության հիմնադրամ 2016-2018 թթ.
Կանաչ արահետ ՀԿ-ն ուրախությամբ հայատարարում է «Գյուղական Կանանց Խմբերի տնտեսական հզորացում կարողությունների զարգացման միջոցով» ծրագրի մեկնարկի մասին, որը ֆինանսավորվում է ՄԱԿ-ի Կանանց հարցերով զբաղվող գրասենյակի Գենդերային հավասարության հիմնադրամի կողմից: Գենդերային հավասարության հիմնադրամն աջակցում է այնպիսի ծրագրերի, որոնք ավելացնում են կանանց տնտեսական հնարավորություններն և/կամ քաղաքական մասնակցությունը տեղական և ազգային մակարդակում:
Կանաչ արահետի ներկայացրած ծրագրի առաջարկը 24 նախաձեռնությունների թվում էր, որոնք ընտրվել էին 1386 ծրագրային առաջարկներից Հիմնադրամի 2015 թ. դրամաշնորհային շրջափուլում: Բոլոր առաջարկներն ուսումնասիրվել են գենդերային հարցերով անկախ փորձագետների Տեխնիկական Հանձնաժողովի կողմից` անցնելով բազմակի փուլերով: Ընտրված առաջարկներն հաստատվել են ՄԱԿ-ի Կանանց հարցերով զբաղվող գրասենյակի և արտաքին շահագրգիռ կողմերի հանձնաժողովի կողմից, որը բաղկացած է քաղաքացիական հասարակության, կառավարական և մասնավոր սեկտորի ներկայացուցիչներից: ԿԱ կողմից ներկայացված ծրագրային առաջարկն առանձնանում էր որպես գենդերային հավասարության արդյունավետ խթանման և կանանց հզորացման ու իրավունքների պաշտպանության աջակցության մոդել:
Հայ կանայք նշանակալի դերակատարում ունեն գյուղատնտեսության մեջ, սակայն նրանք վաստակում են 30%-ով ավելի քիչ քան տղամարդիկ՝ հիմնականում տեխոնոլոգիաների և գիտելիքների պակասի պատճառով, ինչպես նաև ավանդական գյուղատնտեսական գործունեության հետ, որը նպատակաուղղված է հիմնականում սեփական կարիքները հոգալու համար: Սոցիալական, մշակութային և տնտեսական մարտահրավերները իրենց մեջ պարունակում են կանանց շրջանում աղքատություն, գործազրկության և պարենային անպահովության բարձր մակարդակ: Ծրագրի նպատակն է բարելավել կենսապայմանները և նվազեցնել աղքատության մակարդակը 15 գյուղական համայնքներում` մեծացնելով/ավելացնելով գյուղական կանանց հմտություններն ու կարողությունները կայուն և օրգանական գյուղատնտեսության ոլորտում: Ծրագրում ներգրավված գյուղական կանայք կսովորեն ներդնել ավելի բնական և կլիմայակայուն գյուղատնտեսական պրակտիկա, կբարելավեն իրենց ստացած բերքի քանակն ու որակը և կբարձրացնեն իրենց արտադրանքի մրցունակությունը/ ապրանքայնությունը ներդնելով նոր մարքեթինգային ուղիներ: Ծրագիրը նպատակ ունի նաև ուժեղացնելու կանանց դերը համայնքային մակարդակում որոշումներ կայացնելու գործընթացներում և բարձրացնել տեղական իշխանությունների իրազեկվածության մակարդակը կապված գյուղական կանանց կարիքների և առաջնահերթությունների վերաբերյալ:
