Իրականացնող կազմակերպություններ՝ CENN, Կանաչ արահետ ՀԿ, ֆինանսավորող՝ Եվրամիություն, 2013-2015:

Ծրագիրը մեկնարկել է 2013թ. մայիսին և տևելու է մինչև 2015թ. օգոստոսը: Այն իրականացվում է Գյուղատնտեսության աջակցության «Կանաչ արահետ» ՀԿ-ի և Կովկասի բնապահպանական ՀԿ-ների ցանցի կողմից` Եվրամիության ֆինանսավորմամբ:

Ծրագրի գերնպատակն է աջակցել Հարավային Կովկասի երկրներում էկո-միգրացիայի ոլորտում բարեփոխումների հաջող իրականացմանը` քաղաքացիական հասարակության կարողությունների զարգացման և ընդգրկուն բազմաշահառու երկխոսության ամրապնդման միջոցով` ազգային և տարածաշրջանային մակարդակներում: Թիրախային համայնքներն են Լոռու և Տավուշի մարզերը: